«Милан» бош мураббийи Кларенс Зеедорф кеча бўлиб ўтган «Торино»га қарши ўйиндан кейин жамоага янги келиб қўшилган футболчилар ҳақида фикр билдирди.
«Трансфер ойнаси ёпилди. Энди ҳисобимизда бор бўлган футболчилардангина фойдаланамиз. Мен янги ўйин услубини танладим ва футболчиларнинг унга мослашишлари учун вақт керак.
Хонда ҳақида гапирадиган бўлсам, унга вақт беришимиз керак. Ахри у Россиядан келди. У ерда бошқача футбол ўйнашади. «Торино»га қарши у яхши ўйин кўрсатди.
Вақт ўтиши билан жамоа ўзгаради. Ҳозирданоқ ижобий кўчиш бор, лекин сиз ҳам тушунинг, биз мўжиза кўрсата олмаймиз»,- дейди мураббий.
