"Насаф"нинг ОЧЛ-2014 плей-офф учрашувидаги рақиби Қатарнинг "Ал-Жайиш" жамоаси ҚЮЛнинг навбатдаги турида ҳамюртимиз Фозил Мусаевнинг собиқ жамоасини ўз майдонида қабул қилиб, 2:1 ҳисобида мағлубиятга учратди.

Бугун жамоанинг бош мураббийи Набил Маълун томонидан кейинги учрашувларда кам майдонга тушаётган майдонга ўйинчилар туширилди. Афтидан бу плей-офф учрашувига асосий ўйинчиларга дам берилган кўринади. Яъни жамоанинг ҳужумчилари бразилиялик легионерлари Нилмар Да Силва, Вагнер Рибейро ҳамда  франциялик легионери Кембо Экоколар умуман учрашув қайдномасига ҳам киритилмади.

Учрашувдаги ҳисобни 19-дақиқада 12-рақамдаги ярим ҳимоячи Мажид Муҳаммад Ҳасан очди – 1:0. Биринчи бўлимнинг 33-дақиқасида меҳмонлар ўртадаги ҳисобни тенглаштиришди - 1:1. Учрашувнинг қўшиб берилган вақтида ҳар учрашувда дерли майдонни голсиз тарк этмайдиган ҳужумчи Муҳаммад Мунтари ғалаба тўпини киритишга муваффақ бўлди - 2:1.

Шундай қилиб, “Ал-Жайиш” ОЧЛ-2014  плей офф учрашуви олдидан муҳим ғалабани қўлга киритди ва ўз ҳисобига уч очкони ёзиб қўйди.

Энди жамоа 8 февраль куни “Насаф” жамоаси билан бўладиган учрашувга тайёргарлик кўради.

04.02.2014. ҚЮЛ, 19-тур. Аҳмад Бин Ҳамад стадиони
“Ал-Жайиш” – “Ал-Харатийат 2:1 (1:1)
Голлар (Ал-Жайиш): Мажид Муҳаммад Ҳасан, 19-1:0, Муҳаммад Мунтари, 90+2-2:1.
“Ал-Жайиш”: 33. Ахмад Абунара Суфиён, 4.Андерсон Виера Мартинс, 2.Мурод Нажи Хусаин, 7.Весам Ризқ Абдулмажид, 12.Мажид Муҳаммад Ҳасан, 17.Муҳаммад Саид, 37.Сеул Ки Го, 18.Абдулраҳмон Абакар Муҳаммад, 21.Али Санад, 23.Холид Абдулрауф, 29. Муҳаммад Мунтари