Ўзбекистон ҳудудида Сочидаги қишки Олимпия ўйинлари туморига номзодлардан бири бўлган пингвинлар пайдо бўлишди.

Кузатувчиларнинг фикрича, пингвинларнинг ташрифи Ўзбекистонда қишки спорт турларини янада ривожлантириш заруриятини яна бир бор ёдга солмоқда.

«Письма о Ташкенте» интернет-нашрида 2 февраль куни пингвинларнинг Самарқанд шаҳридаги Регистон майдонида тушган суратлари берилган бўлса, икки кун ўтиб 4 февраль куни уларнинг Тошкентдаги фотосуратлари пайдо бўлди.

Шуни таъкидлаш лозимки, Ўзбекистонда айнан 1 февралдан бошлаб пингвинлар учун энг мақбул об-ҳаво ҳукм сурмоқда. Ўзбекистон метеорология хизмати мутахассисларининг маълумотига кўра, бундай совуқ ҳаво 10 февралгача сақланиб қолади.