"Реал" бош мураббийи Карло Анчелотти Испания кубоги доирасида "Атлетико"га қарши ўйин олдидан интервью берди.
"Биз рақиб билан икки марта ўйнашимизни тушуниб олиш керак. Кейинги босқичга чиқиш учун 180 дақиқа вақтимиз бор. "Атлетико" - мағлуб этиш қийин бўлган ўта мураккаб рақиб. Улар бизни чемпионат доирасида "Сантьяго Бернабеу"да мағлуб этишганди, аммо ўшандан буён "Реал" анча ўзгарган. Биз ҳозир анча жамоавий ва ўзимизга ишонган ҳолда ўйин кўрсатяпмиз.
Барча кучимизни "Атлетико"га қарши ўйинларга қаратишимиз керак", - дейди италиялик мутахассис.