Лодноннинг «Челси» клуби бош мураббийи Жозе Моуриньо Англия чемпионати 25-туридан ўрин олган «Ньюкасл»га қарши ўйиндан олдин ўз фикрлари билан ўртоқлашди.
«Биз чемпионатда учинчи ўринда боряпмиз. Бу қувонарли, лекин «Ливерпуль»дан илгарилаб кетганимиз яна ҳам яхши.
Биз катта режани амалга оширяпмиз. Бу мавсумдаги мақсадимиз кучли тўртлик. Агар имкон бўлса учинчи ўринни олишга ҳаракат қиламиз. Биз яхши шуғулланаяпмиз. Жамоа яхши ўйнамоқда.
Менимча, «Арсенал» ва «Манчестер Сити» ўзининг жуда яхши ўйинини кўрсатмоқда. Шунинг учун биз учинчимиз.
Албатта, «Ньюкасл» ҳам кучли жамоа. Алан ажойиб мураббий. У қандай ўйнаш керак эканини билади. Кабайнинг кетиши жамоа учун яхшигина йўқотиш бўлди. Бунга шубҳа йўқ. У Английдаги энг яхши вингерлардан бири эди.