"Арсенал" бош мураббийи Арсен Венгер жамоасининг 25-турида "Ливерпуль"га қарши майдонга тушиб, 1:5 ҳисобида имкониятни бой бергани юзасидан изоҳ берди.
"Биз анча кучсиз жамоа бўлиб кўриндик. Бунга биринчи навбатда ҳимоядаги узилишлар сабаб бўлди. "Ливерпуль"ни табриклайман. Энди бу мағлубиятдан қандай хулосалар чиқаришим муҳим саналади.
Шундай вазият "Сити"га қарши ўйинда ҳам бўлганди. Биз ўзи нима бўлганини ва нега шундай бўлганини ҳали таҳлил қилишимиз керак", - дейди Венгер.
Эслатиб ўтамиз, мағлубиятга қарамай "тўпчилар" жадвалнинг биринчи поғонасидан пастга тушишгани йўқ, аммо ушбу устунликни бугуннинг ўзидаёқ бой беришлари мумкин.