"Насаф" Осиё чемпионлар лигасини битта ўйиндан кейиноқ якунлади. "Ал-Жаиш" ҳозирги пайтда қаршиликлардан устун эканлигини ҳисобда акс эттира олди. Келинг, мулоҳаза қилиб кўрамиз, "Насаф" нега ютқазди.

Энг аввало Рўзиқул Бердиев шогирдлари вазиятлардан фойдалана олишмади. Игорь Таран икки марта ўта қулай вазиятларда дарвозани ишғол қила олмади. Ўзи бизнинг ҳужумчиларга  теккан касаллик — 10та вазиятдан биттасидан фойдалана олишади. Ахир сафарда бўлаётган ўйинда, боз устига йўлланма тақдири ҳал бўладиган ягона ўйинда бундай вазиятларни албатта голга айлантириш лозим.

Иккинчидан, Артур Геворкяннинг жарима зарбаларидан кейин тўп икки марта дарвоза устунига теккан бўлса, Алланиязов бир марта устунни нишонга олди. Демак, омад қайсидир жиҳатдан мезбонлар томонида бўлди.

Нима учун "Насаф" имкониятлардан фойдалана олмадию, "Жаиш" фойдаланди? Қатарликлар ҳозирда яхши формада, улар ўйин амалиётига эга, яхши тонусда. Улар ўйинга жиддий ёндашишди. Ўзбекистон Олий лигасида "пишган" қаршиликлар эса вазиятларнинг қадрига етмади.

Бугунги ўйин эртага ўйнайдиган "Локомотив" учун сабоқ бўлиши лозим. Ноқулай об-ҳавода ўтадиган ўйиндаги ҳар бир имкониятдан фойдаланишлари шарт. "Темирйўлчилар"га омад тилаймиз!

ОЧЛ, 2-саралаш босқичи
"АЛ-ЖАИШ" - "НАСАФ" - 5:1
Голлар: Ко Сэул Ки (4, 27, 80), Нилмар (37), Абдураҳмон Иса (47) — Ф.Сайфиев (76)
Огоҳлантиришлар:  Фарруҳ Сайфиев (72) — Ко Суел Ки (18)
“Ал Жаиш”: 33. Аҳмад Софян, 2. Мурод Нажий (Юсуф Муфта 16), 4. Андерсон (с), 7. Весам Ризиқ, 9. Нилмар, 10. Жирес Кембо Экоко, 14. Моҳд Мезнани, 17. Ко Сеул Ки, 19. Абдураҳмон Иса, 21. Али Санад, 29. Муҳаммад Мунтарий (Мажид Муҳаммад 62).
“Насаф”: 25. Элдорбек Суюнов, 4. Мақсуд Каримов, 5. Ботир Қораев, 9. Илҳом Шомуродов (Кенжа Тўраев 61), 17. Артур Геворкян, 19, Игорь Таран (Азамат Алланиязов 46), 20. Эркин Байдуллаев, 27. Илҳом Юнусов (Улуғбек Дадабоев 79), 28. Шуҳрат Муҳаммадиев, 32. Ҳамза Каримов, 34. Фаррух Сайфиев.