Чемпионлар лигаси саралаши доирасида Тошкентнинг «Локомотив» жамоаси «Кувайт CК»га имкониятни бой берганидан хабаригиз бор. Ўйиндан кейин ҳар икки жамоа мураббийлари иштирокида матбуот анжумани бўлиб ўтди. Аввал Ион Марин саволларга жавоб берди.

«Ўйин жуда қийин кечди. Рақиб бизга қарши ўйинга махсус тайёрланганини билардим. Ташкилотчиларга миннатдрочилик билдираман. Бугун майдин жуда яхши ҳолтда эди. Футболчиларимни ҳам табриклайман. Бундай ҳавода ҳар ким ҳам ўйнай олмайди. «Локомотив»нинг ҳужумга зўр бериши аниқ эди. Бу рақибнинг чемпионлар лигасига чиқиш учун ягона имконияти бор эди. Шунинг қарши ҳужумга эътибор қаратдик. Биз кутилмаган тактикаларимиз билан гол киритдик. Шогирдларим ҳимояда ҳам жуда зўр ўйнашди. Биз одатда ҳужумкор ўйнаймиз. Ўтган мавсумда 106та гол урганмиз. Бугун эса биз ҳимояда ҳам қандай ўйнаш керак эканини кўрсатдик.

– Кеча «Ал Қодисия»нинг ғалаба қозонгани сизга куч бердими?
– Улар бизнинг ашшадий рақибимиз ҳисобланади, шунинг учун бундай демаган бўлардим. Улар бизни ёмон кўришади.

– Ўйиннинг бир кун орқага сурилгани жамоа учун фойдали бўлдими?
– Бу қарор учун барча ташкилотчиларга миннатдрочилик билдираман. ОФК вакиллари бизни жуда яхши тушунишди. Рақиб ҳам бундай ҳолатда ўйнашни хоҳламади.