Матбуот анжуманининг иккинчи қисмида Ҳаким Фузайлов қатнашди.

«Ҳаммасини ўзингиз кўрдингиз. Жамоанинг ўйин амалиётига эга бўлмагани бизнинг зараримизга ишлади. Лекин биз жуда кўп имкониятлардан фойдалана олмадик. 

– Бу муваффақиятсизликдан кейин сизга раҳбарият яна ишонч билдирадими?
– Билмадим, лекин агар мени четлатишса, буни тўғри қабул қиламан.

– Янги келиб қўшилган футболчилар ишончингизни оқлашдими?
– Анвар Ғофуров ўз даражасидан паст ўйин кўрсатди. Мен таркибга келиб қўшилган футболчиларнинг даражасига шубҳа қилмайман. Менимча, вақт ўтиши билан ҳаммаси жойига тушиб кетади.

– Нима учун легионерлар яхши ўйнай олишмаяпти?
– Биз кучли легионерларни узоқ изладик ва ҳозирги футболчиларни олдик. Менимча, улар яхши футболчилар. Уларга вақт бериш керак.

– Жамоа жуда кўп футболчиларни сотиб олди. Бугунги ўйиндан кейин уларнинг барчаси қолишадими?
– Менимча, уларнинг ҳеч бири бизни тарк этмайди. Балки баъзиларини ўйин амалиётига эга бўлиш учун бошқа клубларга ижарага беришимиз мумкин».