Кеча ЎФФ биноси олдидаги сунъий майдонда ПФЛ Кубогининг 2-тур баҳслари давом эттирилди. Хабар бериб ўтганимиздек, Биринчи лига вакили “НБУ-Осиё”га қарши кураш олиб борган “Машъал” бу сафар дуранг қайд этди.
Хабарингиз бор, 1-тур беллашувида муборакликлар “Андижон” устидан 2:1 ҳисобида зафар қучишганди. Бу гал эса “НБУ-Осиё”га қарши учрашув 0:0 ҳисоби билан якунига етди. Энди “газчилар” навбатдаги баҳсни 14 февраль куни “Пахтакор-2”га қарши ўтказишади. Қуйида жамоанинг таркиби ва ўйиндан айрим фотолавҳаларни томоша қилишингиз мумкин.
ПФЛ Кубоги. 2-тур
МАШЪАЛ – НБУ-ОСИЁ – 0:0
“Машъал”: Санжар Қувватов, Ғиёс Комилов, Мирзоҳид Ғофуров, Сирож Ҳамроев, Шерзод Файзиев, Жамшид Ҳасанов, Отабек Нарзуллаев, Жаҳонгир Абдумўминов, Исроил Эргашев, Мўйдин Мамазулунов, Зоҳир Қўзибоев.
Захирадан тушганлар: Виктор Клишин, Аббос Омонов, Андрей Деркач.
