"Атлетико" футболчиси Хавьер Манкильо учун "Реал"га қарши ўйин ҳаётидаги сўнгги баҳс бўлиб қолиши мумкин эди.
Испания кубоги ярим финал жавоб учрашуви пайтида ёш ҳимоячи майдон марказидан ҳаводаги тўп учун курашда Криштиано Роналду билан тўқнашди ва ерга ўта ноқулай тарзда қулади. Футболчи 180 градусга вертикал ҳолда айланиб, бош билан тикка тушди ва бўйни қайрилиб кетди. Ушбу ҳодиса биринчи бўлим тугаши арафасида юз берди ва иккинчи бўлимда майдонга тушмади.
Таббий кўрикдан кейин футболчига бўйин умуртқа суягининг еттинчиси сингани тўғрисида ташхис қўйилди. Ушбу вазият Манкильо учун ўта фожиали тарзда якун топиши ҳам мумкин эди.
Ҳозирда футболчининг бўйнига махсус боғлама қўйилди. У бўйнини қимирлатиши мумкин эмас. Бу боғлама билан Хавьер 4-6 ҳафта давомида юради.
Манкильо ўзини қўллаб-қувватлаган мухлисларга миннатдорчилик билдирди. Шунингдек, унинг таъкидлашича, Роналду содир бўлган воқеадан афсусда эканини айтиб ўтган.
