Айни дақиқаларда фигурали учиш бўйича қисқа дастурни ижро этиши шарт бўлган россиялик спортчи, олимпиада чемпиони Евгений Плюшенко мусобақадан чиқиб кетишини маълум қилди. У белидаги жароҳат боис муз устига чиқа олмайдиган бўлди.

Ғолибликка асосий даъвогар бўлиб турган ушбу спортчининг чиқиб кетиши россиялик мухлисларни шок ҳолатига тушириб қўйди.

Эслатиб ўтамиз, фигурали учишнинг эркаклар яккалик баҳсларида ўзбекистонлик Миша Ге ўзининг қисқа дастурини ижро этди ва ҳозирча 8 нафар спортчи орасида 2-ўринда бормоқда. Яна 22 атлетнинг чиқишларидан кейин бугунги баҳсга якун ясалади.

Спортчилар эртага эркин дастурни тақдим қилишади. Икки кунлик ижролар натижалари умумлаштирилади ва ғолиблар аниқланади.