Саудия Арабистонининг амалдаги чемпиони – “Ал-Фотиҳ” клуби чемпионатнинг 22-турида мағлубият аламини тортиб тўрди.

Жиддада маҳаллий “Ал-Аҳли” клуби меҳмони бўлган ал-ҳасаликлар йирик – 0:4 ҳисобида имкониятни бой беришди. “Ал-Аҳли”нинг португалиялик легионери Луис Леал 7, 11 ва 22-дақиқаларда тўп киритиб “хет-трик” қайд этган бўлса, тўртинчи гол 84-дақиқада Волид Рашид ҳисобига ёзилди.

22-турдан сўнг “Ал-Фотиҳ” 24 очко жамғарган ҳолда мусобақа жадвалининг 7-поғонасида бормоқда.

Эслатиб ўтамиз, 25 февраль куни Осиё Чемпионлар лигасининг 1-турида “Ал-Фотиҳ” клуби “Бунёдкор”ни қабул қилади. Унгача ал-ҳасаликлар 18 ва 21 февраль кунлари “Ал-Жийл” ва “Нажран” клубларига қарши ўйинлар ўтказади.