4 февраль куни фигурали учиш мусобақасида барча иштирокчилар хафа, ўз чиқишларидан норози кўринар эдилар. Аммо ўзбекистонлик Миша Ге ўзининг ноодатий кийими, «гелланган» сочи ва қувноқлиги билан барчанинг кайфиятини кўтарди, деб ёзди АҚШнинг машҳур Mashable нашри. Бу ҳақда Daryo.uz хабар бермоқда.

«Ўзбекистоннинг икки карра чемпиони мусобақада 17-ўринни эгаллаган бўлса-да, одамларнинг кайфиятини кўтаришда у олтин медалга сазовор, деб ўйлаймиз», – деб ёзади Mashable.

«Миша оддий чиқишни қувноқ ва ўзгача шоуга айлантирди. У ўз муҳлислари-ю ҳайъат аъзоларига бирдек мулозамат қилди. Унинг чиқиши тугаши билан қилиқлари ўз ниҳоясига етмади; балларни эълон қилиш жараёнида ҳам тинч ўтирмади. Спортчи ўз хушчақчақлиги билан мухлислар олқишларига сазовор бўлди», – дейилади хабарда.