Бугун “Обод” стадионида «темирйўлчилар» Даврон Файзиев бошчилигидаги «Сўғдиёна» клубига қарши майдонга тушдилар. Икки бўлимда икки хил таркиб билан ўйнаган Абрамов шогирдлари жиззахликлар билан нурсиз 0:0 дуранг қайд этдилар.

Биринчи бўлимда Фарҳод Тожиев ва Александр Шадринда яхши имкониятлар бўлган бўлса, иккинчи бўлимда худди шундай имкониятлар Бобур Тиллабоев ва Вячеслав Шевченкода ҳам бўлди.

Бироз совуққонлик етишмаган ўйинда яна Виктор Карпенко, Андрей Кожокарь, Сардор Мирзаев ва икки Жасур Ҳасановда ҳам имкониятлар бўлди. Аммо учрашувда дарвозалар дахлсизлиги сақланиб қолинди.

Бундан бир неча кун аввал бўлиб ўтган "Локомотив" ва "Сўғдиёна" жамоалари ўртасидаги дастлабки ўйинда Абрамов шогирдлари 3:1 ҳисобида ғалаба қозонишганди.

Назорат ўйини, 17.02.2014
«Локомотив» - «Сўғдиёна» 0:0
Ҳакам: А.Асимов
Четлатиш: И.Нестеров, 38
«Локомотив» (1-бўлим): И.Нестеров, И.Тўхтахўжаев, Д.Жабборов, И.Иномов, И.Суюнов, Л.Тўраев, Ф.Мусаев, Ж.Ҳасанов(кичик), А. Ҳолматов, Ф.Тожиев, А.Шадрин
2-бўлим: А.Парванов, И.Раҳимов, С.Мустафоев, Б.Йўлдошев, Е.Гоголь, А.Кожокарь, С.Мирзаев, В.Карпенко, Ж.Ҳасанов (катта), Б.Тиллабоев, В.Шевченко