"Бавария" бош мураббийи Хосеп Гвардиола бугун бўлиб ўтадиган "Арсенал"га қарши ўйин олдидан матбуот анжуманида қуйидагиларни таъкидлади.

"Мен учинчи марта Лондонга "Арсенал" билан ўйин учун ташриф буюрдим. Шундай бўлса-да, ҳали бирор марта ғалаба билан қайтмаганман. Шу боис яхши биламанки, бу ерда 90 дақиқа давомида ташаббусга эришиш мутлақо имконсиз. Яхши футбол кўрсатиш ва 45 ёки 70 дақиқа ўз кучингни рақибга ўтказиб туришинг мумкин, аммо 90 дақиқа - бу хомхаёл. "Арсенал"да фантастик ўйинчилар тўп суради, улар бизга муаммолар туғдириши аниқ, аммо биз ҳам ўзимизнинг энг яхши ўйинимизни кўрсатишимиз керак. Ҳозирча кейинги ўйин ҳақида ўйлашдан маъни йўқ. Аввал илк ўйинга бор эътиборни жамлаб олиш лозим. Умид қиламанки, барчаси бизнинг режа бўйича амалга ошади.

Биз Бундеслигада яхши қатнашяпмиз, аммо халқаро аренада ҳам ўз кучимизни кўрсатишни истаймиз", - дейди Гвардиола.