"Манчестер Юнайтед" яримҳимоячиси Даррен Флетчер тез орада жамоа билан янги шартнома имзолайди, дея хабар бермоқда Goal.com.
"Қизил иблислар" 30 ёшли шотландиялик билан 2015\16 йиллар мавсуми якунига қадар келишиб олишади.
Манба маълумотларига кўра, Флетчернинг ҳафталик маоши ўзгармай қолади: 60 минг фунт.
Англия чемпионлари бош мураббийи Дэвид Мойес футболчи операциядан сўнг ўз формасига қайтаётганидан қониқиш ҳосил қилмоқда. Хабарингиз бор, у ярим йил жароҳатини даволаш билан банд бўлди.
Дарвоқе, Флетчер Польшага қарши ўртоқлик учрашуви учун терма жамоасидан ҳам чақирув олган. Ушбу ўйин 5 март куни бўлиб ўтади.













