Тошкентда ўқув-йиғинни давом эттираётган "Бухоро" жамоаси бугун навбатдаги назорат учрашувини ўтказди. Бугунги спарринг-рақиб биринчи лига вакили Тошкентнинг "НБУ-Осиё" жамоаси бўлди. Ушбу учрашув ҳозиргина ўз якунига етди ва унда бухороликлар йирик ғалабани қўлга киритишди.

Ҳозирги кунга келиб "банкчилар" таркибида анча тажрибали футболчилар жамланишганини эътироф этиш мумкин. Жумладан, ўтган мавсум "Бухоро" шарафини ҳимоя қилган Алексей Николаев, ўз вақтида бухороликлар сафида тўп сурган Юрий Цой, Канстантин Боевни мисол қилиш мумкин. Булардан ташқари, Зайниддин Тожиев, Леонид Кошелев, Абдумажид Тоиров ҳам тошкентликлар шарафини ҳимоя қилишди.

Учрашувда "Бухоро" футболчилари рақибига нисбатдан анча ёшроқ булишига қарамай тўлиқ ташаббус билан ҳаракат қилишди.

Учрашувда ёш ҳужумчимиз Фирдавс Асадов бир йўла учта тўп киритиб, хет-трик қайд этган бўлса, яна бир маҳаллий футболчимиз Суҳроб Неъматов ва "Бухоро" йиғинига яқинда "Локомотив"дан қўшилган Шерзод Шарипов биттадан гол киритишди ва бухороликларнинг 5:1 ҳисобидаги ғалабасига ўз улушларини қўшишди.

Таъкидлаш жоизки, бугунги ғалаба "Бухоро"нинг Тошкентдаги йиғинлар доирасида дастлабкиси ҳисобланади.

"НБУ-Осиё" (Тошкент)-"Бухоро" (Бухоро)  1:5
Голлар: Фирдавс Асадов (3 та), Шерзод Шарипов, Суҳроб Неъматов
"Бухоро": А.Корнейчук, Г.Квесиешвили, Ш.Раимқулов,  И.Ильин, Ш.Шарипов, С.Неъматов, П.Вуйович, В.Плэмэдялэ, А.Акопянц, Ф.Асадов, Б.Ваҳобов.
Захирадагилар: Ф.Турдалиев, Р.Асланов, Ш.Жумабоев, Ж.Убайдуллаев.