БАА миллий терма жамоаси бош мураббийи Али Маҳдий Ўзбекистонга қарши Осиё кубоги-2015 саралаш баҳси учун тайёргарлик кўрадиган терма жамоа футболчилари рўйхатини эълон қилди.

Рўйхатга 24 нафар футболчининг исми киритилган бўлиб, улардан 2 нафари илк марта терма жамоадан таклиф олди. Улар - Бандар ал-Аҳбобий, Муҳаммад Носир.

БАА терма жамоаси машғулотларни 27 февраль куни бошлайди ва 3 март куни кечаси чартер рейс билан Тошкентга етиб келишади.

Терма жамоа менежерлари эса бироз эртароқ Тошкентга ташриф буюриб, жамоа истиқомат қиладиган меҳмонхона, машғулот ўтказадиган майдон ва ўйин ўтадиган "Бунёдкор" стадиони ҳолатини кўздан кечиришади.

БАА терма жамоасининг Ўзбекистонга қарши ўйин учун рўйхати:
Абдул Азиз Ҳайкал, Абдул Азиз Санқур, Исмоил ал-Ҳаммадий, Аҳмад Халил, Волид Аббос, Мажид Ҳасан, Муҳаммад Фаузий, Ҳабуш Солиҳ, Али Хасиф, Т.Исмоил, Али Мабхут, Холид Исса, Муҳаммад Аҳмад Исмоил Аҳмад, Муҳаннад ал-Анзий, Муҳаммад Абдулраҳмон, Ҳабиб Фардан, Ҳамдан ал-Камолий, Исса Аҳмад, Салим Солиҳ, Муҳаммад Юсуф, Аҳмад Хамис, Бандар ал-Аҳбобий, Муҳаммад Носир.

Эслатиб ўтамиз, Ўзбекистон ва БАА терма жамоалари ўртасидаги ўйин 5 март куни соат 17:00да "Бунёдкор" стадионида бўлиб ўтади. Ҳар иккала жамоа муддатидан аввал Осиё кубоги йўлланмасини қўлга киритиб бўлишган. БАА гуруҳда 100 фоизлик кўрсаткич қайд этиб турган бўлса, Ўзбекистон 10 очко жамғарган.