"Ювентус" бош мураббийи Антонио Конте "А" серияси 25-турида "Торино"га қарши учрашувдаги ғалабадан сўнг (1:0) журналистлар билан суҳбатда бўлди.

"Жуда оғир ўйинлар ўтказаётган бўлсак-да, чарчоқ билан боғлиқ муаммолар кўрмаяпман. "Торино" ва "Верона"га қарши ўйинлар жамоамиз учун ҳозирги мавсумнинг бошланиши бўлди.

Менимча, тактик нуқтаи назардан биз идеал ўйин кўрсатдик, совуққонлик ва шижоаткорлик билан ўйнадик. "Торино"га хавфли вазиятлар яратиш учун етарли имкониятлар бермадик, уларнинг асосий қуроли бўлган қарши ҳужумлари сонини камайтиришга эришдик. Бугун йигитларнинг кўрсатган футболидан жуда хурсандман. Ахир Европа лигаси ўйинида майдонга тушганимизга эндигина 3 кун бўлди.

Энди барча эътиборни пайшанбадаги ўйинга қаратишимиз керак: Туркияда бизни шиддатли ўйин кутиб турибди. Бизни аллақачон кейинги босқичга чиқди деб ҳисоблаётганлар адашишади. "Трабзонспор"га иложи борича тезроқ гол уриб олишимиз керак", - деди Конте.