Ўзбекистон бокс бўйича ёшлар терма жамоаси Россиянинг Анапа шаҳрида халқаро тоифадаги спорт устаси Николай Павлюков хотирасига бағишланган VII халқаро мусобақаларда иштирок этиб олтита медални қўлга киритди.
Мусобақаларда бош мураббий Марат Қурбонов шогирдларидан ташқари Арманистон, Озарбайжон, Белоруссия, Қозоғистон, Куба, Эстония, Латвия, Ҳиндистон, Грузия, Германия, Россия, АҚШ, Молдова, Сербия, Афғонистон ва Украинадан келган 144 та спортчи қатнашишди.
«Жамоамиз таркибида Шораҳматов Абдулхай (56 кг) ва Тохиров Обиджон (81 кг) лар кумуш, Ғоипов Маҳмуд (69 кг), Баҳодиров Сунаттило (64 кг), Раҳимов Шукуржон (56 кг) ва Рашидов Музаффар (60 кг) лар бронза медалларига сазовор бўлишди.Медаллар сони бўйича терма жамоамиз Россия жамоасидан кейинги иккинчи ўринни эгаллади», — дея маълум қилинган Ўзбекистон бокс федерацияси матбуот-хизматидан.
