Футзал бўйича XVIII Ўзбекистон миллий чемпионатининг энг қизғин палласи яқинлашиб келмоқда. 4 ва 5 март кунлари пойтахтда чемпионатнинг чорак финал баҳслари бўлиб ўтади. Чорак финал босқичи ўйинлари плей-офф тизимида ўтказилади ва иккита ғалабага эришган жамоа кейинги босқич йўлланмасини қўлга киритади. Акс ҳолда, учинчи ўйин ўтказилади.
Мусобақалар регламентига кўра, жамоалар чемпионатнинг 1-босқич 4 тури якуни бўйича эгаллаган ўринларига мувофиқ жуфтликларга бўлиб чиқилган (тартиб рақамлари: 1-8, 2-7, 3-6, 4-5).
Шундай қилиб, жорий мавсум етакчиси «Локомотив»га 8-ўринни эгаллаган «Пахтакор» рақиб бўлди. Бироқ, Чемпионатнинг иккинчи жамоаси – «Максам-Чирчиқ» эса чорак финал босқичида Андижон вилоятининг «Турон-C» жамоасига қарши иккита ўйин ўтказади – андижонликлар бундан олдинги босқичда 7-ўринни эгаллашган.
Тегишли тартибда «Когон» «Дўстлик-AIN» билан, «Бунёдкор» эса «Ардус» билан иккитадан ўйин ўтказади.
Ўзбекистон чемпионати
Чорак финал (плей-офф)
4 март, сешанба
11:00 Локомотив (Тошкент) – Пахтакор (Тошкент)
13:00 Ардус (Тошкент) – Бунёдкор (Тошкент)
15:00 Турон-С (Андижон) – Максам-Чирчиқ (Чирчиқ)
17:00 Когон (Когон) – Дўстлик-AIN (Қарши)
5 март, чоршанба
11:00 Пахтакор (Тошкент) – Локомотив (Тошкент)
13:00 Бунёдкор (Тошкент) – Ардус (Тошкент)
15:00 Максам-Чирчиқ (Чирчиқ) – Турон-С (Андижон)
17:00 Дўстлик-AIN (Қарши) – Когон (Когон)
