Дубайда бўлиб ўтган мусобақа финалида швейцариялик Рожер Федерер чехиялик Томаш Бердихни мағлубиятга учратди (3:6, 6:4, 6:3) ва "Dubai Tennis Championships"даги ўзининг олтинчи совринига эга бўлди.

"Юзага келган имкониятдан фойдаланиб, иккинчи сетда ғалаба қозонганимдан хурсанд бўлдим. Кейин эса учинчи сетнинг боши мураккаб кечди. Томашнинг тўп узатишида 3талик брейк-поинтдан фойдалана олмадим. Шундан кейин ўзим рақибга брейк қилиш имконини бермадим. Ўша дақиқаларда ҳамма нарса бўлиши мумкин эди. Бугун барча нарса менинг фойдамга ишлади. Сўнгги бир ярим йил ичида қийин ўйинлар бўлди, аммо бугун омад мен томонида бўлганидан хурсандман", дея Федерернинг сўзларидан иқтибос келтирмоқда АТР сайти.

Яккалик баҳсларида Рожер Федерер ҳисобидаги совринлар сони 78та етди.