Германия терма жамоаси бош мураббийи Йоахим Лев шогирдлари ЖЧ-2014 тайёргарлиги доирасида ҳали етарли даражада яхши формага чиқиб олмаганини маълум қилди. Эслатиб ўтамиз, Бразилиядаги Мундиал баҳслари 12 июнь - 13 июль кунлари бўлиб ўтад. Гремания "G" гуруҳида Португалия, Гана ва АҚШ билан жой олган.

"Қоғозда биз индивидуал кучли футболчилардан таркиб топган юқори савияли жамоамиз, аммо амалда - бошқача. Кўплаб ўйинчиларимиз узоқ муддат жароҳатларини даволаш билан машғул бўлишди ва ҳали ўйинларини маромига етказишмади. Шунинг учун олдиндаги икки ойда биз жамоани идеал ҳолатга олиб келиш учун барча ишни қиламиз.

Вақт кетяпти. Мен терманинг ҳар бир ўйинчисидан нафақат жисмоний, балки психологик томондан ҳам тайёр бўлишини талаб қиламан", - дейди Лев.