Мураббийларнинг ўзаро муносабатлари. Охирги вақтларда «Челси» устози Жозе Моуриньо ва «Арсенал» раҳнамоси Арсен Венгер мунтазам равишда матбуотни антиқа озуқалар билан таъминлашяпти. Яъни навбати билан бир-бирларига «нордон таърифлар» йўлламоқдалар. Келинг, Championat.com сайти маълумотлари асосида улардан энг «ўткир»ларини бир эсга олайлик.

Венгер («аҳмоқлик ва ҳурматсизлик» ҳақида)

- Моуриньо томонидан билдирилган аҳмоқона ва ҳурматсизликка йўғрилган изоҳларга эътибор қаратишни истамайман. Ўзим иштирок этган матбуот анжуманларида у ҳақда гапирган эмасман ва ҳозир ҳам гапирмайман. Моуриньонинг айтганлари, мени эмас, «Челси» клубини кўпроқ хижолатда қолдиради...

Моуриньо (ўтмиш ҳақида)

- Венгер менинг муваффақиятсизликдан чўчишим ҳақида гапирибди. У бунда ўтмишимга ҳурматсизлик билан қаради. Венгер ўтмишимни ҳурмат қилмас экан, мен уни ҳурмат қилмайман. Жавобим шу.

Венгер (Матани «МЮ»га сотилиши ҳақида)

- Матани қўйиб юборишганидан жуда ажабландим. Ахир Хуан ажойиб футболчи-ку. «Челси» уни сотиш баробарида асосий рақибининг кучайишига йўл очди. Ҳа, айтганча, лондонликлар «МЮ» билан ўз ўйинларини ўтказиб бўлишди-да. Агарда сен клублар ўртасидаги адолат бузилмаслигини хоҳласанг, бундай ҳолатга сира йўл қўймайсан. Қисқаси, «Челси» нимани ўйла%D