Эстония терма жамоаси Гибралтар билан ўртоқлик учрашувида ғалаба қозонди, ҳисоб - 2:0. Шу тариқа, эстонияликлар УЕФАнинг барча 53 аъзоси билан ўйнаб чиққан илк Европа жамоасига айланди.
Эслатиб ўтамиз, 2012 йилнинг 5 июнида Эстония Францияга қарши ўртоқлик ўйини ўтказган ва ўшанда ҳам УЕФАнинг барча 52 терма жамоасига қарши майдонга тушган илк жамоа бўлганди.
Шу муносабат билан мамлакат футбол иттифоқи президенти Айвар Похлак УЕФА расмий сайтига интервью берди:
- Гибралтар УЕФАга киргач, ҳали биз ўйнаб кўрмаган яна бир рақиб пайдо бўлди ва биз 2014 йил иккита ўртоқлик ўйини ўтказишга келишиб олдик. Биз доим жуда фаол футбол мамлакати бўлишни истаймиз, шунинг учун терма жамоалар миқёсида иложи борича кўпроқ ўйинларр ўтказишга ҳаракат қиламиз.
Бошида бундай рекорд ўрнатиш истаги йўқ эди, аммо биз ўзимизга ишонардик. Бир неча йил ўтгач эса тўлиқ рўйхатда фақат бир нечта мамлакат қолганини пайқадик.
