Хабарингиз бор, 11 март, сешанба куни Осиё Чемпионлар лигаси 2-тури доирасидаги “Бунёдкор” – “Ал-Жаиш” (Қатар) учрашуви бўлиб ўтади.

10 март, душанба куни “Пахтакор” марказий стадионида ҳар иккала жамоа вакиллари иштирокида ўйинолди матбуот анжумани ташкил этилади.

Даставвал, соат 16:00да бошланадиган биринчи қисмда “Ал-Жаиш” бош мураббийи Набил Маалул ва жамоа футболчиларидан бири журналистлар саволларига жавоб қайтаради. 16:30да эса ОАВ вакиллари билан мулоқотга “Бунёдкор” устози Миржалол Қосимов ва унга ҳамрохлик қилувчи футболчилардан бири киришади.

Тадбир “Пахтакор” марказий стадиони матбуот анжуманлари залида ўтказилади. ОАВнинг барча бўғинларида фаолият юритувчи журналистларни ўйинолди матбуот анжуманига таклиф этамиз.