Россиянинг Сочи шаҳрида ўтказилаётган XI қишки Паралимпия ўйинларида бугун тоғ чанғиси, кёрлинг ва чанғи пойгалари бўйича мусобақалар ўтказилади.

Бугунга қадар бўлиб ўтган мусобақалар якунларига кўра 12 давлат вакиллари совринли ўринларни эгаллашди. Умумжамоа ҳисобида россиялик спортчилар 5 та олтин, 7 та кумуш ва 5 та бронза медали билан пешқадамлик қилишмоқда. Иккинчи ўринда бораётган Украина делегациясида 2 та олтин, 1 та кумуш ва 3 та бронза медали мавжуд бўлса, учинчи ўринни эгаллаб турган япониялик паралимпиячилар ҳисобида 2 та олтин, 1 та кумуш ва 2 та бронза медали мавжуд.

Мазкур Паралимпия ўйинларида Ватанимиз шарафини ҳимоя қилаётган спортчиларимиз 13-мартдан мусобақаларга киришадилар. Ҳамюртларимиздан биринчи бўлиб баҳсларни 13 март куни (Тошкент вақти билан соат 17:15 да) Рамил Гаязов (тоғ чанғиси) бошлаб беради.14 март куни Тошкент вақти билан соат 11:00 да Евгений Слепов (сноуборд) баҳсларга киришади.