ЕЧЛ нимчорак финал босқичининг жавоб ўйинида «Бавария» ўз майдонида«Арсенал»ни қабул қилади. Мюнхенликлар биринчи ўйинда Томас Мюллер ва Тони Кросснинг голлари эвазига 2:0 ҳисобида ғалаба қозонишганди. Ўйиндан олдинги матбуот анжуманида Арсен Венгер ўз фикрлари билан ўртоқлашди.

«Ҳозирги «Бавария» ўтган йилгисидан кучлироқми, буни айтиш қийин. Кўрамиз. Лекин жамоа юқори чўққида бўлиш учун барча имкониятларга эга. Агар сешанба куни ғалаба қозонсак, жуда зўр бўларди. Бундай муваффақият жамоага мавсумнинг қолган қисми учун барқарорликни берган бўларди. «Бавария» ўз кучига ишонади, у фаворит. Лекин биз ҳам муносиб рақиб эканимизни исботлашга ҳаракат қиламиз. Биз ажойиб футбол кўрсатишга чоғланганмиз. Ўтган йилги тажриба муҳим аҳамиятга эга. Биз ўтган йилги натижани такрорлай олишимизга ишонамиз. Бу қўлимиздан келади. Менинг жамоам ажойиб ва юқори амбицияли.

Ўзимизнинг энг яхши ўйинимизни кўрсатиб, мақсадга эриша оламиз. Ўйин бошида гол уриб олсак, бу биз учун фойдали бўларди. Шунингдек, биз кечроқ ҳам гол уришимиз мумкин. Ҳозирда «Бавария» – қитъадаги энг кучли клуб. Лекин биз ўз кучимизга ишонамиз», – дея Венгернинг сўзларидан иқтибос келтирмоқда УЕФА расмий сайти.