“Локомотив” клубида тўп сураётган ҳамюртимиз Виталий Денисов РПЛнинг 21-турида “Амкар” (0:0) билан ўйиндаги дурангдан сўнг ўз фикрларини билдирди.

- Биз ҳар бир ўйинда ғалаба қозонишга ҳаракат қиляпмиз. Бугун бунинг уддасидан чиқолмадик, шундай экан қувонишга сабаб кам.

Станислав Черчесов келганидан сўнг “Амкар” жиддий равишда ўзгарди, қизиқроқ ўйнай бошлади. “Локомотив”га Пермда ўйнаш олдин ҳам қийин бўлган. Аммо бу баҳона эмас. Ким билан осон? Барибир ғалабаларни кўпайтириш керак.

Етакчилик номи ҳеч қандай босим ўтказмаяпти… Шунчаки унга мос бўлишга, яхши ўйнашга ва натижага эришишга уринасан. Соврин ҳақида гапиришга эрта. Аммо албатта, ютишни истаймиз.