Сўнгги йилларда ҳукуматимиз томонидан спорт, айниқса, футболга эътибор янада кучайди. Масалан, бир қатор стадионлар капитал таъмирланган бўлса, яна бир нечта янги ареналар қурилди. Фақат футбол учун мўлжалланган жаҳон даражасидаги «Бунёдкор» ва «Локомотив» стадионлари фикримизга яққол далил. Бундан ташқари, 2014 йили «Олмалиқ», «Нефтчи», «Навбаҳор» ва «Сўғдиёна» жамоалари ҳам янги стадионларда тўп суришади. Тўғри, уларнинг айримлари жаҳон андозаларига мослаб таъмирланади.
| Стадион |
Сиғими |
Жамоа |
Шаҳар |
|
«Пахтакор» |
35000 |
«Пахтакор» |
Тошкент |
|
«Бунёдкор» |
34000 |
«Бунёдкор» |
Тошкент |
|
«Бухоро» |
22700 |
«Бухоро» |
Бухоро |
|
«Нефтчи» |
20000 |
«Нефтчи» |
Фарғона |
|
«Соғлом авлод» |
18360 |
«Андижон» |
Андижон |
|
«Марказий» |
18000 |
«Навбаҳор» |
Косонсой |
|
«Насаф» |
16000 |
«Насаф» |
Қарши |
|
«Динамо» |
13850 |
«Динамо» |
Самарқанд |
|
«Олмалиқ» |
12000 |
«Олмалиқ» |
Олмалиқ |
|
«Металлург» |
11000 |
«Металлург» |
Бекобод |
|
Б.Вафоев номли |
10000 |
«Машъал» |
Муборак |
|
«Сўғдиёна» |
10000 |
«Қизилқум» |
Навоий |
|
«Локомотив» |
8000 |
«Локомотив» |
Тошкент |
|
«Зомин» |
6000 |
«Сўғдиёна» |
Зомин |
Аммо шу ўринда бир нарсани айтмасак бўлмас. Гарчи «Бунёдкор» стадиони мамлакатимиздаги энг муҳташам арена саналсада, «қалдирғочлар» ўз рақибларини у ерда қабул қилолмайдилар. Бунга майдоннинг ҳолати сабабдир. Ўзбекистон терма жамоасининг БААга қарши учрашувидан сўнг майдон яроқсиз аҳволга келди. Уни тиклаш учун эса вақт керак. Шу боис «Бунёдкор» раҳбарияти маълум вақт оралиғида «Пахтакор» стадионида ўйнаб туришга қарор қилди.
Шунингдек, «Локомотив» ҳам уй учрашувлари ТТЙМИ стадионида ўтказади. «Навбаҳор» эса ўз стадиони таъмирдан чиққунга қадар рақибларини Косонсойда қабул қилади. Шу ўринда айтиш жоиз, бу аренада ишлар жадал суръатда олиб борилмоқда. Фақат Баркамол авлод ўйинларидан кейин «Навбаҳор» янгиланган стадионига кўчиб ўтади. «Сўғдиёна»да ҳам худди шундай вазият. «Олмалиқ» эса мавсумни янги стадионда бошлади, «Нефтчи»нинг уй аренаси ҳам тайёр.
