17 март куни футзал бўйича XVIII Ўзбекистон миллий чемпионатининг ярим финал босқичи биринчи кун учрашувлари бўлиб ўтди.

Куннинг иккинчи учрашувида амалдаги чемпион – тошкентнинг “Локомотив” клуби яна бир пойтахт жамоаси бўлмиш “Бунёдкор”га қарши баҳс олиб борди. Ўз таркибига чемпионатнинг энг моҳир футзалчиларини жалб қила олган “Локомотив”, ўйиннинг 2-дақиқасидаёқ ўз дарвозасидан тўп ўтказиб юборди. Аммо бу нарса “темирйўлчиларнинг” ғалабасига тўсқинлик қилмади.

Учрашув давомида “Локомотив” 5 бор рақиб дарвозасини аниқ нишонга олди, “Бунёдкор” эса, ушбу ишни 2 маротаба уддалай олди.

Ўзбекистон чемпионати
Ярим финал (Дастлабки учрушув)
17 март, душанба
Локомотив – Бунёдкор 5:2 (2:1)
Голлар:Артур Юнусов (4, 18), Олег Холмухамедов (36), Константин Свиридов (39), Фурқат Азизов (39) – Бахтиёр Умаров (2), Абдулла Бўриев (40)