"Шальке-04" бош мураббийи Йенс Келлер жавоб ўйинида ҳам "Реал"га ютқазгач, Мадрид клубини "Бавария" билан солиштириб кўрди.

"Ўйинни кўрганлар биз ўз номимизни қайта тиклаб олганимизга гувоҳ бўлишди. Жамоам жуда яхши жанговар ўйин намойиш қилди. Ҳа, "Реал" янада кўпроқ гол уриши ҳам мумкин эли, аммо Фэрманн жуда зўр ўйин ўтказди.

Бугун жамоам ўзларини оқлай олишди. Бугунги ўйинда агрессив ўйин кўрсатганимиздан хурсандман, аммо шу билан бирга, ижобий натижага эриша олмаганимиздан таъбим хира бўлди. Индивидуал хатолар бизга "Сантьяго Бернабеу"да дуранг қайд этиш имконини бермади, лекин яна айтишим мумкин: ўйиндан қониқдим.

"Бавария" ҳам, "Реал" ҳам юқори савиядаги жамоалардир. Менимча, "Бавария"га қарши ўйнаш бироз қийинроқ, чунки улар тўпни назорат қилишни яхши кўришади. Умуман олиб айтишим мумкин, "Бавария" "Реал"дан бироз кучлироқ, лекин у қадар ҳам эмас", - деди Келлер.