Бугун бўлиб ўтган “Машъал” – “Бунёдкор”  (0:2) учрашувидан сўнг майдон эгалари бош мураббийи ўйин ҳақида ўз фикрларини билдириб ўтди.

“Бугунги ғалаба билан меҳмонларимизни табриклайман. Бугун ғалабага эриша олмадик ва гол ҳам ура олмадик. Бу билан биз жуда қора анъанани буза олмаяпмиз ва бундан афсусдамиз.  “Бунёдкор” учун қийин тақвимдан фойдаланиб қолмоқчи эдик, лекин буни уддалай олмадик. Режаларимиз иш бермади ва ўтказилган биринчи гол зараримизга ишлади. Бизда бугунги об-ҳаво учун фақат тўпни ошириб бериш ва яқин масофада вазият яратиш керак эди. Икки жамоа ҳам бир хил майдонда ўйнади ва ҳеч ким нолий олмайди. Узоқдан пас бериш ва гол уриш бундай ҳолатда энг маъқули эди.  Ҳамма ўйинда ғалаба қозониш учун майдонга тушамиз ва мақсадимиз ҳам шу.  Биз учта ҳужумчи бўлиб ҳам ўйнадик ва захира ўйинимизни ўзгартира олмади”, - дейди Александр Хомяков