«Манчестер Юнайтед» футболчилари жамоа бош мураббийи Дэвид Мойесдан ишидан қониқишмаяпти. "Манкунианлик" футболчиларнинг фикрича, шотланд мутахассиси клуб шаънига зарар етказиши мумкин. Футболчиларнинг фикрича, мураббийнинг тактикаси ва футболчилар билан мулоқот услуби "МЮ"нинг инқирозига олиб келмоқда.

Мисол тариқасида Англия чемпионати доирасида «Манчестер Сити»га қарши ўйин (0:3) тилга олинмоқда. Футболчилар машғулот жараёнида мазкур ўйинга 4-4-2 схемаси учун тайёрланишган, ўйинда эса Мойес 4-3-3 тактик схемасидан фойдаланди. Мойесга нисбатан норозилик кайфияти шу даражага етдики, футболчилар клуб раҳбариятидан Мойеснинг истеъфосини сўрашмоқчи.


Клуб раҳбарияти ҳам «Манчестер Юнайтед» натижаларидан қониқмаяпти. Маълумотларга қараганда, жамоа янги бош мураббийликка номзодлар қидиришмоқда. Мойес Алекс Фергюсоннинг тавсияси билан бош мураббий этиб тайинланганди. Ўша пайтда эса акционерларнинг аксарият қисми бошқа номзодни исташганди.