“Металлург” – “Локомотив” учрашувидан кейин мезбонлар жамоаси бошлиғи ўйин ҳақидаги фикрларини билдириб ўтди.

Шавкат Саидов (“Металлург” жамоаси бошлиғи):“Локомотив”га ғалаба қанчалик муҳим бўлса, биз учун ҳам ютуқ сув ва ҳаводек зарур эди. Бутун учрашув давомида биз меҳмонларга муносиб қаршилик кўрсатдик деб ўйлайман. Аслида ўйин дуранг натижа билан якунланса адолатдан бўларди. Бизнинг жамоамизда аксарият футболчилар ёш. “Локомотив”да эса мамлакатимизнинг энг номдор, терма жамоа ўйинчилари тўп суришади. Бизга бугун омад етишмади. Қолаверса тажриба, маҳорат борасида меҳмонларга бироз имкониятни бой бердик. Мавсум энди бошланди. Ўйлайманки,тезда ҳаммаси ўз изига тушиб кетади. “Металлург” мухлислари кўчасида ҳам байрам бўлишига ишонаман".