Хабарингиз бор, охирги кунларда Фарҳод Норбўтаевнинг «Нефтчи» клуби ҳақидаги мақоласи бутун оммани ўзига жалб қилмоқда. Унда жамоа раҳбарларининг футболчиларни чув туширгани баён қилинган эди.

Воқеага аниқлик киритиш мақсадида «Нефтчи»дан ростакамида ҳайдалган футболчилардан баъзилари билан учрашдик. Хусусан, Санжар Асқаралиев, Шерзод Ҳакимов ҳамда Иқбол Акромов билан суҳбатда бўлдик. Учала футболчи ҳам суҳбат давомида клуб раҳбарияти билан ОАВ олдида учрашув ўтказишни талаб қилишди.

«Биз Мирзабоев билан барчанинг гаплашиб олишни талаб қиламиз. У одам бизнинг кўзимизга қандай қарар экан, бу биз учун жуда қизиқ», — дейди Акромов.

Демак, «Нефтчи» клуби расмийларига футболчиларнинг талабини етказиб қўйдик. Зoро, шундагина ҳақиқат юзага чиқса. Бироздан кейин ҳар учала футболчилар билан бўлган суҳбатни эътиборингизга ҳавола қиламиз.