Очиғи, сўнгги пайтларда сайтларда “Нефтчи” жамоасига қарши информацион уруш эълон қилинганининг гувоҳи бўляпмиз. Бундай бўлмағур ва сафсата гаплар кимларга керак бўлганини ҳам яхши биламиз. Яқинда ташкил этилган матбуот анжуманида иштирок этиб, Комилжон Мирзабоев қандай инсон эканлигини кўрдик. Энг қизиғи, мақола муаллифи ҳеч нарсани исботлай олмади.

Аксинча, матбуот анжуманидан кейин ҳам бундай бўҳтонлар тўхтагани йўқ. Айниқса, “Нефтчи”нинг собиқ футболчиларининг интервью беришлари ортиқча бўлди. Уларнинг барчаси Саркисян даврини қўмсаб қолишган. Бу футболчилар руҳий томондан жамоага зарба беришмоқчи. Лекин адашишади.

Айтганча, Санжар Асқаралиевнинг гаплари бироз кулгули туйлди менга. Негаки, унинг ўзи ҳам аслида бир неча марта отаси бошқарган жамоаларда тўп сурган. Айни дамда ҳам Усмон Асқаралиев бошқараётган жамоада фаолият юритяпти. Ўзи отасининг эркатойи бўлган футболчидан бундай сўзларни эшитиш кулгули эмасми?

Яна бир гап, Саркисян даврида ҳам “Нефтчи” унинг ўғли, қўшнилари ишларди. Вазген Саркисян қайсидир лавозимда. Мураббийнинг қўшниси Раҳим Юсупов матбуот котиби, унинг ўғли Малик Юсупов оператор. Энг қизиғи, Саркисяннинг турмуш ўртоғи ва қизи ҳам клуб ходими саналган. Демак, бу ерда Мирзабоевни айблаш бироз ноўрин.

Шерзод Ҳакимов эса ўйнамаган ўйинлари учун мукофот пуллари талаб қилиб уни олгани ҳақидаги хабарлар бор. Умуман, бу футболчининг характери футбол мухлисларга ёқмайди. У жуда калондимоғ. Шундай тарбия топган. Ҳеч кимни ҳурмат қилмайди.

Учта гол уриб ўзини катта оляпти. Ҳали ҳаммаси олдинда. “Нефтчи”дан кетганларнинг барчаси хор бўлган. Афтидан, Шерзод Ҳакимов Олмалиқда “эски ҳунарлари”ни кўрсата олмаётгани учун қўшнисини ёмонлашга тушди.

Нима бўлганда ҳам биз Комилжон Мирзабоевнинг матбуот анжуманида айтган гапларига ишонамиз.

Бир қатор футбол мухлислари
Номидан Ўринбой Юсупов (yurinboy@bk.ru)