4-турнинг марказий учрашуви сўзсиз Самрақандда "Динамо" ва "Бунёдкор" жамоалари баҳси бўлди, десак муболаға бўлмайди. Боиси ҳам турнир жадвали жиҳатидан, ҳам ўйин томонидан бу икки рақиб ушбу турда бошқаларга қараганда кучлироқ эди. Бу ҳар иккала жамоа аъзолари намойиш қилган ўйинда ҳам исботлаб беришди.
Ўйиндаги илк хавфли вазиятда мезбонлар содир этишди. Азамат Бобожонов узатиб берган тўпни Санъат Шихов яқин масофадан дарвозага йўллай олмади. Шундан сўнг "қалдирғочлар" олдинга ўтишди ва стандарт вазиятидан ҳисобни очишди. Сардор Рашидовнинг бурчакдан оширган тўпини қайтариш учун сакраган Акмал Холмуродов кутилмаганда тўпни ўз дарвозасига киритиб қўйди. Орадан кўп ўтмай "Динамо" жамоаси ҳисобни тенглаштиришга жуда яқин келди. Азамат Бобожонов йўллаган тўпни Акбар Тўраев жуда яқин масофадан ўз реакцияси эвазига қайтарди. Шундан кейин Шихов тепган тўпни ҳам Тўраев бартараф этди.
Иккинчи бўлимда ҳам ҳар иккала жамоада қулай имкониятлар юзага келди. 64-дақиқада Олег Зотеев тўпни узоқ вақт ўзида сақлаб турди ва бўш турган шериги Рашидовга узатди. Ўзи эса жарима майдончаси ичида очилди. Рашидов оширган тўпни эса Зотеев боши билан дарвозага йўллаб, ҳисобни 0:2 га оширди. Ушбу ҳисоб ўйин охиригача ўзгармай қолди.
Олий лига, 4-тур
«ДИНАМО» - «БУНЁДКОР» 0:2 (0:1)
Голлар: Акмал Холмуродов 14 автогол (0:1), Олег Зотеев 64 (0:2)
Огоҳлантиришлар: Азамат Бобожонов 19, Минори Сато 72 , Сергей Симоненко 79, Комил Шарофетдинов 82, Ильдар Маматказин 83
"Динамо": 27.Андрей Мельничук, 4.Асрор Алиқулов (С), 5.Ильдар Маматказин, 6.Акмал Бозоров (17.Абдулла Набиев, 75), 7.Санъат Шихов, 10.Зайниддин Тожиев, 16.Акмал Холмуродов (26.Комил Шарофетдинов, 54), 18.Сирожиддин Сайфиев (12.Искандар Холмирзаев, 89), 21.Азамат Бобожонов, 22.Алишер Саматов, 55.Аваз Агалиев Захира: 1 . Игорь Михайлов, 3.Саддам Боймаматов, 32.Жасур Азимов, 95.Фирдавс Абдусалимов
"Бунёдкор": 45.Акбар Тўраев, 4.Хайрулла Каримов (С), 5.Дилшод Жўраев, 8.Жавлон Иброхимов, 10.Анвар Бердиев ( 14.Воҳид Шодиев, 73), 11.Олександр Пишур (24.Баҳодир Пардаев, 87), 15.Ислом Иномов, 21.Сардор Рашидов, 23.Саҳоб Жўраев, 33.Олег Зотеев (9.Минори Сато, 67), 40 . Сергей Симоненко Захира: 25.Муроджон Зухуров, 2.Акмал Шораҳмедов, 6.Анвар Ғофуров, 18.Бобиржон Акбаров.
Ҳакамлар: А. Асимов (Тошкент), А. Снетков (Тошкент вилояти), Ф. Ҳасанов (Наманган), А. Рубаков (Тошкент) Назоратчи: А. Арутюнов (Тошкент)
