Москванинг "Локомотив" клуби Россия Премьер-лигасининг 24-турида "Волга" жамоасини ўз майдонида қабул қилди ва йирик ҳисобда ғалаба қозонди.

Ўйиннинг 24-дақиқасидаёқ нижний новгородликлар майдонда бир киши кам бўлиб қолишга мажбур бўлдилар. "Волга" ҳимоячи Полчак жарима майдончаси остонасида ўзидан ўтиб, дарвозабон билан бирга-бир вазиятга чиқиб бораётган Н'Дойени қўли билан тортиб қолгани учун майдондан четлатилди. Орадан 7 дақиқа ўтиб темирйўлчилар пенальтидан ҳисобни очишди.

Иккинчи бўлим бошида Майкон, 71-дақиқада эса сенегаллик Н'Дойе биттадан гол уриб, ҳисобни йирик кўринишга келтиришди.

Виталий Денисов учрашувни асосий таркибда бошлаб, охирига қадар майдонда ҳаракат қилди.

Ушбу ғалабадан кейин "Локомотив" ўз очколарини 51тага етказди ва яна 1-ўринга кўтарилиб олди.

Россия Премьер-лигаси, 24-тур
"Локомотив" – "Волга" - 3:0 (1:0)
Голлар: 1:0 – 32, пенальти Самедов, 2:0 – 46 Майкон, 3:0 – 71 Н′Дойе.
"Локомотив": Гильерме, Янбаев, Чорлука, Дюрица, Виталий Денисов, Шишкин, Шешуков, Самедов, Миранчук (Оздоев, 63), Майкон (Ткачев, 76), Н′Дойе (Павлюченко, 73).
"Волга": Парейко, Леандро, Ковальчик, Польчак, Чичерин, Алдонин, Концедалов (Ропотан, 83), Шуленин, Путило, Каряка (Миносян, 62), Даниленко (Саркисов, 46).