"Футбол на куличках" сайти Россия Премьер-лигасининг 24-тур рамзий терма жамоасини тузиб чиқди ва унга ҳамюртимиз Одил Аҳмедовни ҳам киритди.
"Ярим ҳимоячи: Одил Аҳмедов («Анжи»). Махачқалъаликлар таркибидаги энг керакли футболчи. Унга таклифлар бўлган бўлса-да, жамоа уни ҳеч қаерга сотмади. Одил "Динамо"га қарши ўйинни юқори савияда ўтказди. У ҳам бузишда, ҳам ҳужумни ташкил қилишда, ҳам олис масофадан йўлланган зарбалари билан ўйинда фаол иштирок этди. Шунингдек, ўйин сўнгида бош билан Гаджиевга голли узатмани амалга оширди", - дея ёзади "ФНК" мухбири.
Одил Аҳмедов сайтнинг рамзий терма жамоасидан иккинчи марта ўрин олганини таъкидлаш лозим. РПЛ 24-тур рамзий терма жамоаси қуйидагича кўриниш ҳосил қилди.
Александр БЕЛЕНОВ (Кубань, 1) - Владимир ХОЗИН (Урал, 1), БАШТУШ (Ростов, 1), Василий БЕРЕЗУЦКИЙ (ЦСКА, 3) - Зоран ТОШИЧ (ЦСКА, 3), Одил АҲМЕДОВ (Анжи, 2), Александр АЛИЕВ (Анжи, 1), МАЙКОН (Локомотив, 1) - ХАЛК (Зенит, 7), Саломон РОНДОН (Зенит, 4), Александр БУХАРОВ (Анжи, 1).
