Россиянинг Ханти-Мансийск шаҳрида шахмат бўйича хотин-қизлар ўртасида FIDE Гран-Присининг тўртинчи босқич мусобақалари бошланди.

8 апрель куни мусобақаларнинг очилишига бағишланиб ўтказилган тадбирда биринчи турга қуръа ташлаш маросими бўлиб ўтди. Унга кўра ҳамюртимиз, халқаро гроссмейтер Нафиса Мўминова биринчи турда қора доналарда украиналик собиқ жаҳон чемпиони Анна Ушенинага қарши баҳс юритади (Учрашув Тошкент вақти билан соат 14:00да бошланади ва мазкур ўйинни khantymansiysk2014.fide.com сайти орқали тўғридан-тўғри кузатиб бориш мумкин). 

Қуйида биринчи турнинг қолган жуфтликлари берилган: 

Антоанета Стефанова (Болгария) — Александра Костенюк (Россия) 

Чжао Сюэ (Хитой) — Катерина Лагно (Украина) 

Ольга Гиря (Россия) — Нана Дзагнидзе (Грузия) 

Анна Музичук (Словения) — Батчимег Тувшинтугс (Мўғилистон) 

Хоу Ифань (Хитой) — Татьяна Косинцева (Россия) 

Эслатиб ўтамиз, FIDE Гран-при мусобақалари олти босқвичдан иборат бўлиб, икки йил давомида, айланма тизимда ўтказилади.