Россиянинг Ханти-Мансийск шаҳрида шахмат бўйича хотин-қизлар ўртасида ўтказилаётган ФИДЕ Гран-Присида ҳамюртимиз, халқаро гроссмейстер Нафиса Мўминова турнирда учинчи рақам остида сараланган Чжао Сюэ (Хитой)ни оқ доналарда ўйнаб мағлуб этди.

Биринчи турда бўлгани каби, иккинчи турда ҳам олтита партиянинг фақатгина биттасида дуранг натижа қайд этилди. Иккинчи турнинг фарқли томони, унда Хоу Ифань (Хитой) ва Татьяна Косинцева (Россия) қора доналарда ўйнаб зафар қучдилар (биринчи турда оқ доналарда ўйнаган беш нафар спортчи муваффақ қозонди).

Қуйида иккинчи тур натижалари берилган:

Нафиса Мўминова (Ўзбекистон) – Чжао Сюэ (Хитой) 1-0
Батчимег Тувшинтугс (Мўғилистон) – Хоу Ифань (Хитой) 0-1
Нана Дзагнидзе (Грузия) – Анна Музичук (Словения) 0,5-0,5
Катерина Лагно (Украина) – Ольга Гиря (Россия) 1-0
Антоанета Стефанова (Болгария) – Анна Ушенина (Украина) 1-0
Александра Костинюк (Россия) – Татьяна Косинцева (Россия) 0-1

Иккинчи тур ўйинларидан сўнг хитойлик Хоу Ифань юз фоизлик натижа билан пешқадамлик қилмоқда. Анна Музичук ва Антоанета Стефанова ҳисобида 1,5 тадан очко мавжуд. Бир йўла олти нафар спортчи — Нафиса Мўминова, Татьяна Косинцева, Чжао Сюэ, Катерина Лагно, Анна Ушенина ва Ольга Гиря биттадан очко жамғарганлар. Александра Костинюк ҳамда Нана Джагнидзе ҳисобида 0,5 тадан очко мавжуд бўлса, Батчимег Тувшинтугс ҳисобида бирорта ҳам очко йўқ.

Бугун ўтказиладиган учинчи турда қуйидаги жуфтликлар ўзаро баҳс юритадилар:
Ушенина – Костенюк,
Чжао Сюэ – Стефанова,
Гиря – Мўминова,
Музичук – Лагно,
Хоу Ифань – Дзагнидзе,
Косинцева – Батчимег.

Учрашувлар Тошкент вақти билан 14:00да бошланади.