Европа чемпионлар лигаси ва Европа лигаси ярим финал босқичига қуръа ташлаш маросими бугун соат 15:00да Швейцариянинг Ньон шаҳрида бошланади.
Ҳар иккала қуръа битта маросим доирасида ўтказилади. Аввал Европа лигаси, сўнгра ЕЧЛ турнири қуръаси бўлиб ўтади. Қуръани УЕФА бош котиби Жанни Инфантино ва УЕФА мусобақаларни ўтказиш департаменти Жоржио Маркетти ўтказишади.
Ҳар иккала қуръа чорак финалда бўлгани каби "кўр-кўрона" тарзда. Яъни исталган жамоа исталган клубга қарши тўқнаш келиши мумкин. Ўйинлар уй-сафар тизимида ўтказилади.
ЕЧЛ ярим финал иштирокчилари: "Реал Мадрид" (Испания), "Атлетико" (Испания), "Челси" (Англия), "Бавария" (Германия)
ЕЧЛ, ярим финал. 22-22 апрель - 29-30 апрель
ФИНАЛ. 24 май. "Эштадиу ду Бенфика"
Европа лигаси, ярим финал иштирокчилари: "Валенсия" (Испания), "Севилья" (Испания), "Ювентус" (Италия), "Бенфика" (Португалия)
Европа лигаси, ярим финал. 24 апрель - 1 май.
ФИНАЛ. 14 май. "Ювентус" стадиони
Соат 15:00 (Тошкент вақти билан)да бошланадиган маросимни мазкур саҳифа орқали онлайн матнли тарзда эътиборингизга ҳавола қиламиз.
----------------------------------------
ДИҚҚАТ! ЕВРОПА ЛИГАСИ ҚУРЪАСИ
15:00. Маросим бошланмоқда. Барча меҳмонлар ўз ўрнида. Операторлар клуб расмийларини тез-тез кўрсатмоқда.
Дарвоқе, "Спорт" канали мазкур қуръа маросимини намойиш этмайди.
15:01. Жанни инфантино расмий қисим билан барчани таништирмоқда.
15:04. Аввало Европа лигасининг ярим финал жуфтликлари аниқланади. Хабарингиз бор, ярим финалда «Севилья», «Валенсия», «Ювентус» ҳамда «Бенфика» жамоалари йўл олишган. Катта экранда Павел Недвед.
15:06. Эслатиб ўтамиз, Чиро Феррара бу йилги финал баҳсининг рамзий элчиси ҳисобланади. Европа лигасининг бу йилги мавсуми учун ишланган роликда ҳам собиқ ҳужумчи марказий қаҳрамон. Чиро қуръа ташлаш маросимида бевосита қатнашади. Жанни Инфантино Ферраранинг янги галстугини мақтаб қўйишни ҳам унутмади.
15:09. Демак, Европа лигаси учун қуръа ташлашда иккита саватчадан фойдаланилади. Биринчисида жамоалар танланса, иккинчисида финалда қайси жуфтлик ғолиби расмий мезбон бўлишига аниқлик киритилади.
15:11. Мусобақа финали бўлиб ўтадиган Турин шаҳри ҳақида ролик намойиш этилмоқда.
15:15. Диққат қуръа бошланди! Биринчи жамоа «Севилья». Унинг рақиби — «Валенсия»! Испан жуфтлиги! Финалда аниқ испан жамоаси бўлади!
15:18. Учинчи жамоа «Бенфика». Демак, ярим финалчилар аниқ. «Севилья» - «Валенсия», «Бенфика» - «Ювентус». Ўйинлар 24 апрель ва 1 май кунлари ўтказилади.
15:20. Ҳар бир клуб расмийлари саҳнага таклиф қилинди ва уларга сўз берилди. Барча бир хил фикрда: барча рақиблар кучли, ярим финалда ҳеч кимга осон бўлмайди.
15:23. "Бенфика" сўнгги 4 мавсумда Европа лигасининг ярим финалига учинчи марта чиқмоқда.
15:25. «Севилья» ҳамда «Валенсия» жамоаларидан финалга йўл олгани расмий мезбон бўлади. Ювентус« финалга чиқса, ўз майдонида расман меҳмон бўлади.
-----------------------------------
