"Бавария"нинг собиқ ҳимоячиси Лотар Маттеус "Атлетико" посбони Куртуанинг ЕЧЛ яримфиналида "Челси"га қарши ўйнамаслиги тўғрисида фикрларини билдирди.
"Қизиқ ҳолат. Моуриньо ўзига ўхшамаяпти. У майдон ташқарисида эмас, ҳар доим майдонда ғалаба қозонган.
Бу ерда шартнома бандларига қараш керак. Мен юрист эмасман, аммо ҳар қандай ҳолатда ҳам кучлиларни ютиш қизиқарли", - дейди Маттеус.
Эслатиб ўтамиз, "Челси" клуби испан клубидан ўзларига қарашли бўлган Куртуанинг майдонга тушиши учун ҳар икки ўйин учун умумий 6 миллион евро сўрамоқда.
Охирги паллада УЕФА Куртуанинг ҳеч қандай компенсациясиз яримфиналда ўйнаши кераклигини билдирган эди.
