«Пахтакор» ҳамда «Олмалиқ» жамоалари ўртасидаги ўйиндан кейин ҳар икки жамоанинг бош мураббийлари ўртасида матбуот анжумани бўлиб ўтди. Аввал Игор Шквирин саволларга жавоб берди.

– «Пахтакор» ғалабага муносиб эди. Бугун биз ҳар томондан мағлуб бўлдик. Ёмон ўйнадик, худди биринчи марта майдонга тушгандай. Биз футбол ўйнамадик.

– Марказни бериб ўйнаш режада бор эдими?
– Йўқ. Биз ўз ўйинимизни ўйнай олмадик. Шундай бўлиб қолди. Йигитлар билан бошқача гаплашган эдик.

– Ҳимоячилар тўпни билиб тургандай рақибга бериб қўйишди. Болаларча хато қилишди.
– Сиз хато фикрлаяпсиз. Билиб туриб ҳеч ким хато қилмайди. Футболчлар тўп узатишларни ёмон амалга оширишди, лекин билиб туриб эмас. Менимча, бу жисмоний муаммолар билан боғлиқ.

– Ўйинда-ўйинга «Олмалиқ» камроқ гол урмоқда. Нима учун?
– Бугун биз умуман имкониятлар ярата олмадик. Ҳеч қандай. Ҳужумчилар бугун ўйнашмади. «Андижон»га қарши ўйинда эса имкониятлар кўп бўлган эди.

– Айни вақтда оптимал таркибни аниқлаганмисиз?
– Статискикага қаранг. Кимлар кўп ўйнаганини билиб оласиз. Мен жамоа ғалаба қозонса, худди ўша таркибни кейинги ўйинда ҳам тушурадиган мураббий эмасман.

– Чемпионатда кимни фаворит деб биласиз?
– «Пахтакор», «Локомотив», «Бунёдкор» ва балки «Насаф».

– Зафар Полвонов яна гол ура олмади, лекин асосий таркибда. Шерзод Ҳакимов эса захирадан тушиб учта гол урди. Нимага?
– Балки Шерзодга кейинги ўйинда имкониятга эга бўлади.

– «Бунёдкор» билан ўйиндан кейин сиз матбуот анжуманига келмадингиз. Сизнинг «Бунёдкор»га ўтдингиз деган миш-мишлар чиқди.
– Мен 5 йил давомида «Пахтакор», «Локомотив», «Насаф», «Машъал», «Бунёдкор» ва терма жамоада ҳам «ишладим». Йўқ менга ҳеч қандай таклиф бўлмади.