"Барселона" бош мураббйи Херардо Мартино Испания кубоги финалида "Реал"га қарши ўйиндаги мағлубиятни шарҳлаб ўтди (1:2).

"Биз мағлубиятдан хафамиз ва мухлисларимиз олдида хижолатдамиз. Жамоа ушбу ўйинда қатнашиш учун узун йўлни босиб ўтди ва бу йўла авомида қувончли дақиқаларни ҳам бошдан кечирдик.

Бу ачинарли мағлубият, аамо менинг келажагим ушбу мағлубиятга боғлиқ эмас. Бу жамоа учун қаттиқ зарба. Биз бу ўйинга катта умидлар боғлаган эдик, кубокни ютмоқчи эдик. Ўйинни назорат қилдик, аммо рақибнинг иккита голга сабаб бўлган икки қарши ҳужумини қўйиб юбордик.

Биз Бэйл ва Ди Мариони қаттиқ қўриқлашга уриндик ва баъзан бунинг уддасидан чиқдик. "Реал" доим шундай голларни уради. Биз икки хатомиз учун жазоландик. "Барселона" тўпни назорат қилди, аммо икки қарши ҳужумда гол ўтказиб юбордик.

Энди куч тўплаб, курашни давом эттиришимиз керак. Чемпионатда ҳам ишларимиз жуда яхши эмас, аммо чемпионлик учун математик имкониятларимиз бор.Бу ҳафта оғир келганини айтиб ўтишим керак", - дейди Мартино.