Италия термасининг собиқ футболчиси Жанфранко Дзоланинг фикрича Рафаэль Бенитес "Наполи"ни мамлакат чемпионлигига олиб келиши мумкин.
"Наполи"дан ҳамма нарса кутиш мумкин. Шунчаки, Бенитесга вақт бериш керак. Англияда у жуда кучли рақиб эди, унинг жамоалари энг жипслашган жамоалар эди.
Бенитеснинг Италиядаги фаолиятини кузатиш - мен учун мароқли иш. Мен "Наполи"нинг ўйинларини телевизорда ҳам, стадионларда ҳам кузатдим. Унинг жамоаси ўйиндан ўйинга ўсмоқда.
Бенитеснинг тажрибаси ва билимлари мевасини бермоқда. Ишонаманки, Рафаэль скудеттони ютиб олади. У ўз фаолияти давомида кўплаб совринларни ютган ва буни "Наполи" билан ҳам уддалаши учун имкониятлар етарли", - дейди Дзола.
