Ўйин бошиданоқ устунликни қўлга олган "Пахтакор" биринчи бўлимдаёқ баҳс тақдирини ҳал қилиб улгурди. Дастлабки дақиқаларда Каримов ва Махарадзенинг зарбаларини урганчликлар посбони Ўдаев қайтариб қолди. Ҳисоб 23-дақиқага келиб очилди. Искандеровнинг жарима майдони ичидан берган зарбаси голга айланди. Бу ҳолатда меҳмонлар ҳимоячилари хатога йўл қўйишди. Голдан бир дақиқа ўтгач, Козакнинг зарбасидан кейин тўп устунга тегиб қайтди.

30-дақиқада “Пахтакор” иккинчи тўпни киритди. Махарадзе бир ҳимоячини алдаб ўтиб, тўпни 18 метрлардан дарвозанинг чап юқори бурчагига бурама зарба билан йўллади ва орадаги фарқни иккитага етказди. 34-дақиқада Андреевнинг зарбасидан сўнг тўп дарвозабон ва устунга тегиб, майдонга қайтди. Биринчи бўлимда ушбу ҳисоб ўзгармади.

Иккинчи бўлимда ҳам ташаббус пахтакорчилар тарафида бўлди. Ўдаев бир қатор ҳолатларда жамоасини голдан қутқариб қолди. 58-дақиқада урганчликлар ҳимоячиси Марат Ҳошимов майдондан четлатилди. 10 дақиқача ўтиб захирадан майдонга туширилган Сергеев ҳисобни оширди. 80-дақиқада Козак ҳисобни “Пахтакор” учун 4:0 кўринишига келтирди.

Беллашувда ҳисоб ўзгармади. Шу тариқа “Пахтакор” нимчорак финал йўлланмасини қўлга киритди.

“ХОРАЗМ” - “ПАХТАКОР” - 0:4 (0:2)
18 апрель. Тошкент. “Пахтакор” Марказий стадиони. 2435 томошабин.
Ҳакамлар: А.Асимов, Х.Мирзааҳмедов, А.Снетков.
Назоратчи: А.Ҳотамов.
“Хоразм”: Ўдаев, Маннонов, Ҳошимов, Машарипов (Хайров, 76), Абдуллаев, Байрамов (Раимов, 82), Норов (Жуманиёзов, 65), Баратов, Отажонов, Нурметов, Ҳусинов.
“Пахтакор”: Лобанов, Мерзляков, Кримец, Миладинович, Ҳошимов, Махарадзе, Козак, Каримов, Андреев (Исматуллаев, 74), Искандеров (Машарипов, 61), Ҳакимов (Сергеев, 52).
Голлар: Искандеров, 23 - 0:1. Махарадзе, 30 - 0:2. Сергеев, 69 - 0:3. Козак, 80 - 0:4.
Огоҳлантириш: Машарипов, 89 (“Пахтакор”).
Четлатиш: Ҳошимов, 57 (“Хоразм”).