"Милан" клуби раҳбарияти "Фиорентина" бош мураббий Винченцо Монтеллани таклиф қилиш вариантини кўриб чиқмоқда.
Бу масала бўйича россонерлар барча керакли бўлган ҳужжатларни тайёрлаб қўйдилар. Муаммо шундаки Монтелла учун тўланадиган компенсация миқдори 7 миллион еврони ташкил қилади.
Айни пайтда "Милан"ни Кларенс Зеедорф бошқармоқда. Жамоа чемпионатнинг 33-туридан сўнг тўртинчи ўринда бораётган "Фиорентина"дан 10 очко ортда қолган ҳолда жадвалнинг саккизинчи поғонасида бормоқда.
"Милан"ни янги мавсумда бошқарадиган вариантлар орасида Филиппо Индзаги ҳам бор, у ҳозирда россонерларнинг ёшлар жамоасини бошқармоқда.
